E16. Tunnel Aurland - Lærdal. Overvaking av vasskvalitet, botndyr og fisk i Lærdalselva og Kuvella i 1999
Abstract
Overvakingsprogrammet for Kuvella og Lærdalselva har halde fram i 1999 for å kontrollera eventuell påverknad av vassmiljø og fauna frå tunneldriving og deponering av sprengstein i Tynjadalen i samband med vegtunnelen på E16 mellom Aurland og Lærdal. Det er gjort analysar av månadlege vassprøver frå i alt 6 prøvestasjonar i Kuvella og Lærdalselva. I tillegg er det gjort analysar av 4 vassprøver til ulike årstider frå i alt 7 drikkevassbrønner ved Tønjum. Kvantitativ undersøking av botndyrfaunaen vart utført på i alt 4 stasjonar i vassdraga i mai 1999. I oktober vart det gjort teljing av gytefisk (sjøaure) i Kuvella. Det er målt høgare verdier av nitrogen i Kuvella og i drikkevassbrønnar på Tønjum i åra 1997-99, samanlikna med registreringar før anleggsarbeidet starta. Vassprøver frå Kuvella teke etter at tunneldrivinga frå Tynjadalen vart avslutta sommaren 1999 viser markert nedgang i nitrogeninnhald. Resultata av botndyrgranskinga i 1999 viser ingen særskilt påverknad på dei undersøkte elvestrekningane, korkje frå rotenonhandsaminga i 1997 eller frå anleggsaktiviteten i Tynjadalen. Det vart registrert i alt 9 gytefisk av sjøaure i Kuvella hausten 1999. Det låge talet skuldast truleg rotenonhandsaminga av vassdraget våren og hausten 1997.
Description
Årsliste 2000