Resipientgransking i Lurefjorden 2002

Abstract

Resipientgransking i Lurefjorden og nærområda i 2002 har vist at sedimenta i heile Lurefjordområdet inkludert Radsundet er forureina av PAH, medan PCB forureining berre er å finne i nærleiken av Kjevikdalen avfallsplass. Sedimenta i heile området har noko høgt innhald av tungmetalla kvikksølv, kopar og bly, men generelt er tungmetallforureininga avtakande. Høgast forureiningsgrad blei funne i Radsundet med tilstandsklasse IV for bly. Sedimenta inneheldt høge konsentrasjonar av TBT (tilstandsklasse II-V). Filét frå fisk både frå ytterste og inste del av Lurefjorden inneheldt ikkje PCB over høgt bakgrunnsnivå. I torskelever frå torsk fanga i Seimsfjorden var det svak overkonsentrasjon av PCB, medan slik overkonsentrasjon ikkje blei funne i lever frå torsk fanga i ytterste del av Lurefjorden. I lever frå hyse fanga i Seimsfjorden blei det ikkje funne overkonsentrasjon av PCB. I krabbar frå Lurefjorden blei det ikkje funne overkonsentrasjonar av PCB og heller ikkje uvanleg høge konsentrasjonar av tungmetall. Blåskjel frå heile området var moderat forureina av TBT, medan skjel frå inste del av Seimsfjorden og frå Radsundet var moderat forureina av PCB. Blåskjela inneheldt heller ikkje overkonsentrasjonar av PAH og tungmetall med unnatak av skjel frå Radsundet kor det var ein svak overkonsentrasjon av bly.