GIS analyse av eigna sjøbunnsareal til havbeite for kamskjell og analyse av interessemotsetnader

Abstract

Det er planlagt etablert anlegg for semiekstensivt havbeite med kamskjel i botnkultur i Hordaland. NIVA har i den samanheng utført ei GIS analyse for å identifisere område som tilfredsstiller gitte djupne- og hellingskrav. Djupne og helling er modellert i størsteparten av fylket med 25 meter oppløysing. Det er til saman identifisert og kartfesta areal på 357,6 km2 i djupneintervallet 5 – 30 meter med mindre enn 15 grader helling i modellområdet. Gjennomsnittleg lokalitetsstorleik er på 16,7 dekar. Samtlege modellar og basiskart er produsert i digital form for vidare bearbeiding. Analysen kan ikkje konkludere med kor godt eigna lokalitetane vil vere for kamskjeldyrking. Til det trengst vidare analysar og undersøkingar i felt som tek omsyn til fleire lokaliseringsfaktorar som t.d. eksponering, salinitet og substrat.